Путин вырӑс чӗлхине аталантарас тата пулӑшас ыйтусемпе хушусем панӑ

#владимирпутин
Раҫҫей президенчӗ Владимир Путин вырӑс чӗлхине РФ патшалӑх чӗлхи тата РФ халӑхӗсен чӗлхи пек аталантарас тата пулӑшас ыйтусемпе правительство валли хушусен списокне ҫирӗплетнӗ. Документа Кремль сайтӗнче пичетленӗ.
Патшалӑх аслӑ шкулӗсем валли вырӑс чӗлхипе литературин факультечӗсене йӗркелес тӗлӗшпе сӗнӳсем хатӗрлеҫҫӗ.
«Раҫҫей халӑхӗсен литература шедеврӗсен библиотеки» пичетленсе тухӗ. Кӗнеке серийӗ Раҫҫей халӑхӗсен литературин паллӑ классика произведенийӗсене вырӑсла куҫарнинчен тӑрать. Проектпа Раҫҫей ӑслӑлӑх академийӗн А.М. Горький ячĕллĕ Раççей тӗнче литературин институчӗ ӗҫлет.
Ҫӗршывра пуҫламӑш шкул учителӗсене хатӗрлес пахалӑха ӳстерес тӗлӗшпе мерӑсем йышӑнӗҫ. Вырӑс чӗлхипе литературине вӗрентме тата пуҫламӑш шкулта аслӑ педобразовани вӗренӳ программисенче вырӑс чӗлхипе литературине вӗрентес тата литература вулавӗн методикине вӗренме уйӑракан сехетсен шучӗ нумайланать.
Раҫҫейӗн Вӗренӳ министерстви «Вырӑс чӗлхи патшалӑх чӗлхи пек» база вӗрентӳпе методика комплексне хатӗрлет.
Раҫҫей Культура министерстви Цифра министерствипе пӗрле кашни ҫул Союзсен çурчӗн Колонна залӗнче Пӗтӗм Раҫҫейри ача-пӑча кӗнекин эрнине уҫмалли савӑнӑҫлӑ церемони ирттерӗ.
Цифра вӗрентӳ контенчӗн библиотекинче вырӑс чӗлхипе литературине вӗренмелли пай йӗркелӗҫ. Унта интерактивлӑ заданисемпе видеолекцисем вырнаҫтараҫҫӗ.
Вырӑс чӗлхипе ятарлӑ вӗренӳ пособийӗсене РФ ҫӗнӗ субъекчӗсен: ДНР, ЛНР, Запорожье тата Херсон облаҫӗсенчи шкулсенче вӗренекенсем валли хатӗрлеҫҫӗ.

Сăнÿкерчĕкĕ: Олег Яровиков / архив «Башинформ» ИА.

https://www.bashinform.ru/news/politics/2026-02-04/putin-dal-porucheniya-po-voprosam-razvitiya-i-podderzhki-russkogo-yazyka-4564911