Асăрханар: Пушкăртстанра тăм ÿкет

Пушкăрт гидромет даннăйĕсем тăрăх республикипе 0,2 градус таран çĕр тата сывлăш сивĕнет.

Майăн 15-мĕшĕнчи çĕрле вăйлă тăм ÿкме пултарать. Çакă чылай ÿсентăрансене тивсе хăртма пултарать. Ăшша юратакан çырла, панулмисене те тивет çакă, çавăнпа та вĕсене витсен лайăхрах.

Май варринче çĕрлесерен сивĕтни чечеке ларнă улма-çырла йывăççисемпе тĕмсене те сиенлетет. Çеçкисене тăм тивсен вĕсен кайран çырли пулмасть.

Пушкăртстанра сывлăш температури чакнине пула пушар тухас хăрушлăх та ÿсет. Тĕп ăшăтмалли система ĕçлеменнине пула çынсем электрообогревательсемпе усă курма пуçлаççĕ. Пысăк нагрузка сете сиенлетесси, проводсем хĕрсе каясси патне илсе çитерме пултарать. Çавăнпа та асăрхануллă пулăр!

«Башинформ».

Читайте нас: