Пишпÿлек урамĕ ирӗкленчӗ

Вырсарникун пулсан та, райцентрта урамсемпе тĕп площадь хӗррисенчен юра тасатас ӗҫ вӗресе тӑнӑ.

Организацисемпе тата вӗсен ертӳҫисемпе килӗшсе татӑлнӑ тӑрӑх вырсарникун, январӗн 30-мӗшӗнче юр тасатас ӗҫре техникӑн вунӑ единици ӗҫленӗ. Пишпÿлекри ДРСУ (ертÿçи Наиль Гатауллин) тӑватӑ автомобиль тата курка тиекен, ҫавӑн пекех роторпа тиемелли икӗ погрузчик уйӑрнӑ. "Бижбулякстрой" ООО — "Барс" ООО (ертÿçи Илсур Галимов) тиевҫӗсемпе грейдерĕсем ӗҫленӗ. УАЗ тата "Газель" (А.В. Семенов водителĕ) пӗрлехи ĕçе ертсе пынӑ. ПК-40 погрузчикпа А.С. Ганеев, ДТ-75 тракторпа С. И. Фомин, КАМАЗсемпе вара — Г.Н. Ульянов, В.Н. Степанов, М.Т. Ахметзянов, Е.М. Иванов. Хăватлă Т-150 тракторпа кӗреҫепе А.П. Иванов тӑрӑшса ӗҫленӗ. С.А. Миронов автогрейдер машинисчӗ тата погрузчикӑн машинисчӗ М.А. Шибаев задачӑна питӗ лайӑх пурнӑҫланӑ.

Райцентрта пурӑнакансем пурте тĕп площадьре тем пысӑкӑш юр куписене курнӑ. Черетлӗ хут туслӑ команда Пишпÿлек варринчен юра тасатасшӑн. Ҫак ырӑ ӗҫӗн спонсорӗсем пулса тӑнӑ райцентрти уйрӑм предпринимательсем хастар хутшӑннине палӑртас килет. Столовӑй заведующине Елена Валентиновна Макеевана воскреснике хутшӑнакансем валли тутлӑ апат пĕçернĕшĕн тав тăваççĕ.

Владимир СМОЛОВ.

Сăнÿкерчĕкĕсем: Айрат МУРАТШИН.