Пушкӑртстанри шихансене ЮНЕСКО объекчӗсен малтанхи списокне кӗртнӗ

Пушкӑрт Пуҫлӑхӗ Радий Хабиров пӗлтернӗ тӑрӑх, шихансем Торатау, Юрактау тата Куштау ЮНЕСКО Пӗтӗм Тӗнчери еткерлӗхӗн статусне илесси патне ҫывхарнă.
Радий Хабиров Пӗтӗм Тӗнчери еткерлӗхӗн объекчӗсен списокне кӗртни - шихана сыхласа хӑвармалли меслет кӑна мар. Ку тӗнче чапӗ тата экономикӑн хӑватлӑ стимулӗ.
Пушкӑрт ертÿçи каланӑ тӑрӑх, ЮНЕСКО ООН авторитетлӑ организацийӗсенчен пӗри шутланать тата шихансем хӑйне евӗрлине, вӗсен пӗтӗмӗшле хакӗпе пӗлтерӗшне йышӑнать.
– Лайӑх йышӑну кӗтетпӗр тата туризм инфратытӑмне малалла аталантаратпӑр, – палӑртнă Радий Хабиров.
"МГ" информацийĕпе.