Апрелӗн 1-мӗшӗнче - Пӗтӗм тӗнчери кайӑк кунӗ

Вӗҫен кайӑксен кунне хӑҫан паллӑ тумалла-ха, çуркунне тумасан. Ҫутҫанталӑк вӑранать, тӑван йӑвасене вӗҫен кайӑксем таврӑнаҫҫӗ.
Пишпÿлекри Ача-пӑча пултарулӑх центрӗн шкул умӗнхи ушкӑнӗнчи ачасем хӑйсен ашшӗсемпе пӗрле тунӑ чаплӑ шӑнкӑрч йӑвисем илсе килнĕ.
Шӑнкӑрч йӑви тума пулăшнăшăн ашшĕ-амăшĕсене тавтапуҫ!
Шӑнкӑрч йӑвисем вӗҫен кайӑксене килӗшессе питӗ ӗненес килет, вара вӗсем часах хӑйсен ҫӗнӗ хваттерӗсене вырнаҫса ларĕç те хӑйсен тӗлӗнмелле юррипе савӑнтарĕç.
Сăнÿкерчĕкĕсем: Пишпÿлекри Ача-пӑча пултарулӑх центрӗн социаллă сетьри страницинчен.