Путин Раҫҫейри туризма аталантармалли лайӑх хӑвӑртлӑхсем ҫинчен пӗлтернӗ

#владимирпутин
Раҫҫейри туризм аталанӑвӗ лайӑх хӑвӑртлӑхпа пырать, анчах плана тытăнса пымалла. Кун пирки юнкун, июнӗн 28-мӗшӗнче, РФ Президенчӗ Владимир Путин пӗлтернӗ.
"Шалти тата пырса кӗмелли туризм инфратытӑмне аталантарасси пӗтӗмӗшле лайӑх хӑвӑртлӑхпа пырать. Ҫакӑнпа пӗрлех, паллах, палӑртнӑ тӗллевсенчен, плансенчен пӑрӑнмалла мар, палӑртнӑ тӗллевсен срокӗсене тӗрӗслемелле кӑна мар, палӑртнӑ тӗллевсен пахалӑхне те шута илмелле", — тенӗ вӑл федерацин Ҫурҫӗр Кавказ округӗнчи туризма аталантармалли ыйтусемпе канашлура.

Вӑл каланӑ тӑрӑх, ку ҫул-йӗр тӑвас, пропуск пункчӗсене анлӑлатас, капиталлӑ тата хӑвӑрт туса илекен модульнӑй гостиницӑсене кӗртес ыйтусене пырса тивет.
Патшалӑх Пуҫлӑхӗ çапла хушса хунӑ: Раҫҫее пырса кӗрекен туристсене электронлӑ визӑсене кӗске вӑхӑтра кӗртмелле.

Туристла проектсене укҫа-тенкӗ уйӑрма ҫирӗп те тӗрӗс условисем пулмалла, - хушса хунă Путин. Раҫҫей лидерӗ каланӑ тӑрӑх, турбизнес валли инвестици условийӗсемпе усӑ курасса шанмалла.

"Вӗсемпе усӑ курмасан, пурлӑха малтанхи хуҫасене тавӑрса памалла", - тесе ӑнлантарнӑ вӑл.

Сăнÿкерчĕкĕ: Новости РИА/Гавриил Григоров.
https://iz.ru/1536438/2023-06-28/putin-zaiavil-o-khoroshikh-tempakh-razvitiia-turizma-v-rossii