Районта «Персе пăрахнă ачалăх» астăвăм урокĕ иртнĕ

Бесланти трагеди пирĕн асра.

Хулан, ҫӗршывӑн, çуралнă тăрăхăн историне кӗрсе юлнӑ ҫынсен ячӗсем тата событисем  пур. Вӗсем ҫинчен кӗнекесем, калавсем ҫыраҫҫӗ, легендӑсем каласа параҫҫӗ, сӑвӑсемпе музыка хайлаҫҫӗ. Чи кирли — вӗсем ҫинчен астӑваҫҫӗ. Ҫак асӑну та аякри кунсене вилме памасть.

Ҫакӑн пек событисенчен Беслан хулинче пулнӑ пӗри ача-пӑча, ашшӗ-амӑшӗн, учительсен, ҫар ҫыннисен паттӑрлӑхӗ. Ҫак паттӑрлӑхпа хӑрушӑ трагедие асра тытасси Раҫҫейри кашни ҫыннăн тивĕçĕ…

Терроризма ҫӗнтересси вӑл террористсене пӗтересси мар. Терроризма ҫӗнтересси вӑл — терроризм идейине пӗтересси, ҫав хӑрушӑ практикӑна нимпе те килӗшмелле марри патне илсе ҫитересси. Пирӗн ачасене кирлӗ пӗлӳсем памалла, вӗсем пирӗншӗн асӑрхаттаракан пулӗҫ. Шӑпах ҫак тӗллевпе паян тӗп библиотекӑра 8-мӗшпе 9-мӗш классенче вӗренекенпе класс сехечĕсем иртнӗ.

Сăнÿкерчĕкĕ: Пишпÿлекри тĕп район библиотекин ВКонтакте страницинчен.