Пушкӑрт санаторийӗсенче 20 процент йӳнӗрех канма пулать

Сывлӑх сиплемелли учрежденисем туризм кешбэк программине кӗнĕ.

Туризм кешбэк программинче «Якты-Куль», «Карагай», «Юматово», «Березки», «Красноусольск», «Зеленая Роща», «Танып», «Ассы», ҫавӑн пекех республика территорийӗнче вырнаҫнӑ 25 кану бази, 4 туроператор — "Тенгри", "Ринай", "Урал-Батыр", "1001BUS" кĕнĕ, пӗлтерет Пушкӑртстанри ЦУР.

Паян кун пирки "Салам" БСТ передачинчи тӗп ыйтусенчен пӗри пулчӗ. Кэшбек программи ҫинчен тӗплӗ туризм енӗпе ӗҫлекен ПР патшалӑх комитечӗн председателӗн тивӗҫӗсене пурнӑҫлакан Ринат Фаткуллин каласа пачӗ.

Шалти туризма хавхалантармалли программӑпа Раҫҫей тӑрӑх туршăн хакӗн 20 процентне тавӑрса пама пулать. Кӑрлачӑн 18-мӗшӗнчен пуҫласа апрелӗн 12-мӗшӗччен, программӑна ирттермелли сроксем вăйра тăнă чухне, урӑхла каласан, ку тапхӑрта ҫул ҫӳреве тӳлемелле. ЦУР ҫакна валли тӳлев тытӑмӗн лояльлӑхӗн программинче "МИР" карттине регистрацилемелле тесе аса илтерет: privetmir.ru. мирпутешествий.рф ҫулҫӳревсен сайтӗнче тура суйласа илмелле те "МИР"онлайн карттӑпа тӳлемелле. Кешбэк сирӗн карттӑ ҫине пилӗк ӗҫ кунӗ хушшинче таврӑнӗ.

Ҫакна та палӑртмалла: 2021 ҫулта Пушкӑртстан Раҫҫейри туризм кешбэк программипе ҫӳрекен субъектсен топне кӗнӗ.

 «МГ» информацийĕпе.