Пушкӑртстана 2021 ҫулта 3,48 млн турист пулса курнă

Ҫул ҫӳревӗн вӑтам тӑршшӗ икӗ кун, пĕр кунăн вӑтам чекĕ — 2,39 пин тенкӗ шутланнӑ.
"СберАналитика" сервис пӗлтернӗ тӑрӑх, 2021 ҫулта Пушкӑртстанра туристсен тӑкакĕсем 13 миллиард тенкӗ пулнă. Ҫулҫӳревҫӗсен вӑтам ÿсĕмĕ - 39 ҫул. 200 пине яхӑн турист республикӑра ачисемпе пĕрле каннӑ.
ПР Патшалӑх туризм комитечĕ пӗлтернӗ тӑрӑх, 2021 ҫулта турист юхăмĕ 2020 ҫулхипе танлаштарсан, 17% ӳснӗ, ун чухне Пушкӑртстана 2,69 млн турист килсе курнă.
Республика пуринчен ытларах кÿршĕри Челябинск облаҫӗнче, Оренбург, Тутарстан, ҫавӑн пекех Мускав тата ХМАОра пурăнакансене илĕртет. Ялан тенӗ пекех, хӑнасем канмалли кун турĕсемпе килеҫҫӗ.
Республика "Туризм тата тараватлӑх индустрийĕ" наци проектне хастарлӑн хутшӑнма хатӗрленет. Унӑн шайӗнче регионсене туризм инфратытӑмне аталантарма субсидисем уйӑрӗҫ. "Ку предпринимательсен интересне туризм сферинче аталантармалли тепӗр драйвер пулса тӑрӗ", - палӑртнă патшалӑх комитечӗн ертӳҫи.
"Башинформ" информацийĕпе.