Абхазире хӑш вырӑнсенче пулса курмалла?

Ирина Набиуллина:

— Ӑҫта кайма пулнине, Абхазире канса ҫутҫанталӑк илемӗн хӑш вырӑнӗсене кайса курма май пурин пирки каласа парасшӑн. Паллах, маншӑн асран кайми вырӑн — Кындыгри термальлĕ ҫӑлкуҫсем, ун территорийӗнче сипленмелли пылчӑксем те пур-ха. Ҫула май Турӑ Амӑшӗн (храм Успения Божией матери) улттӑмӗш ӗмӗрти храмне кӗрсе тухма пулать, храм ҫумӗнче хӗрарӑмпа арҫынсен уйрăм купелӗсем пур, ҫавӑн пекех Никита Бесогонӑн таса ҫӑлкуҫӗ пур, унти шыв питĕ тутлӑ. Ҫавӑн пекех ҫак маршрутпа Ольгински шывсикки пур, унта пулнă чухнехи пĕртен-пĕр туйăм — илемлĕ! Тепӗр кунне Шакуран шывсикки патне кайма пулать, хальхи вӑхӑтра унта шыв ҫук, анчах вырӑнĕ хӑй — сывлӑш пӳлӗнет! Илемлӗ пейзажсемлӗ, сӑртлӑ сенкер шывлӑ чи илемлӗ вырӑн — Чернигов шывсикки, унта туристсен зонине йӗркеленӗ, чаплă канмалли вырӑн!

Карина ИВАНОВА çырса илнĕ.

Сăнÿкерчекĕ: Ирина Набиуллина.