Пишпÿлек районӗнчи кӗмӗл ҫулсенчи туристсем черетлӗ ҫулҫӳреврен таврӑннă

Пишпÿлек районӗнчи кӗмӗл ҫулсенчи туристсем "Башкирское долголетие.Туризм. " программа шайӗнче черетлӗ ҫулҫӳреврен таврӑннă. Ку хутӗнче ҫул ҫӳреме юратакансем валли Краснусольска, страус фермине кӗрсе тухмалли маршрут йӗркеленӗ.

Кӗмӗл туристсем ҫул ҫӳренӗ чухне ҫутҫанталӑк илемӗпе киленме, тӗлӗнмелле страуссемпе паллашма тата Краснусольский санаторин минераллӑ çăлкуçĕсене курма пултарнӑ.

Курорт ялӗнче Туррӑн Табын амӑшӗн пулӑмӗсен гротӗнче пулса сиплӗ шывпа ҫӑвӑннӑ, чи хӑюллисем вара Усолка шывӗн тӑварлӑ ҫӑлкуҫне чӑмса тухнӑ.

Проекта хутшӑннӑ Молчанова Наталья Леонидовна хӑй мӗн курни-илтни ҫинчен каласа панă:

- Краснусольск территорийӗнче пире гид кĕтсе илчĕ, унта вӑл пурне те тӗплӗн каласа пачӗ. Эпир Табын мӑнастирне ҫитсе куртӑмӑр. Туристсем ҫӑлкуҫсенче пит-куҫа, ӳт-тире сыватма тата ҫамрӑклатма куҫсене йӗпетрĕç. Кӑмӑл тӑвакансем ҫӑлкуҫне чӑмса тухрĕç. Шыв илтĕмĕр. Киле таврӑннӑ чухне страус фермине кӗрсе тухрăмăр, кайăксене çитертĕмĕр.

Сăнÿкерчĕкĕсем: Пишпÿлек район администрацин социаллă сетьри страницинчен.