Ачасем валли Çӗнӗ ҫул уявĕсем ирттернӗ

Пишпÿлекри Культура керменӗнче тӑлӑх ачасем, нумай ачаллӑ ҫемьесенчи ачасем тата СВОна хутшăнакансен ачисем валли Çӗнӗ ҫул уявĕсем ирттернӗ. Уява йӗркелекенсем ачасемшĕн чӑн-чӑн асамлӑх атмосферине тума тӑрӑшнӑ. Кунта костюм вӑййисем те, йӑлана кӗнӗ юмахри постановкӑсем те, вӑйӑ картисем те, пылак парнесем те пулнӑ. Ачасене Çӗнӗ ҫул ячӗпе саламлама район администраци пуҫлӑхӗ Артур Зарипов килнӗ, вӑл вӗсене хӗллехи каникула лайӑх та усӑллӑ ирттерме суннă.
Сăнÿкерчĕкĕсем: Пишпÿлек район администрацин социаллă сетьри страницинчен.