Майӑн 28-мӗшĕнче Пограничник кунӗ

Пограничник кунӗ тӗлне Пишпÿлек районӗнче те уяв мероприятийӗсем иртнĕ. Малтан Тӑван Ҫӗршыва хӳтӗлекенсен паркӗнче митинг пулнă, унта район администрацийӗн пуҫлӑхӗн пӗрремӗш заместителӗ Артур Галеев саламлӑ сӑмах каланă. Пограничниксене уяв ячӗпе саламласа тата районти обществӑлла пурнӑҫа хастар хутшӑннине палӑртнă та вӑл вӗсене тав ҫырӑвӗсем панă. Ҫак мероприяти хыҫҫӑн Ҫӗнтерӳ паркне куҫнă, унта пограничниксем палӑк умне чечексем хунă.

Палӑртса хӑваратпӑр, Пограничник кунне халалланӑ мероприятисене ҫар комиссарӗ Салават Абдуллин, район администрацийӗн пуҫлӑхӗн ҫумӗ Алексей Данилов, администраци ӗҫӗсен управляющийӗ Алексей Макаров, «Защитники Отечества" фондӑн социаллӑ координаторӗ Рамиль Мухтасимов хутшӑннӑ.

Сăнÿкерчĕкĕсем: Пишпÿлек район администрацин социаллă сетьри страницинчен.

https://vk.com/officialbiz