Пишпÿлекре Сывлӑшпа десант ҫарӗсен кунне палăртнă

Августӑн 2-мӗшӗнче, Сывлӑшпа десант ҫарӗсен кунӗнче, Пишпÿлек районӗнчи сывлӑшпа десант ҫарӗсен ветеранӗсем Ҫӗршыв хӳтӗлевçисен паркне чаплӑ митинга пухӑннă. Митинга хутшăнакансене саламлама Пишпÿлек район администрацийӗн пуҫлӑхӗн тивӗҫӗсене пурнӑҫлакан Артур Галеев килнӗ.
Митинга хутшӑнакансем ҫар тивӗҫне пурнӑҫланӑ чухне пуçне хунă десантниксен астăвăмне пĕр минут чĕнмесĕр тăрса чысланă, сывлӑшпа десант ҫарӗсен никӗслевҫин Василий Маргеловӑн мемориал плитипе бюсчӗ умне чӗрӗ чечексем хунă.
Митинг асăнмалăх сӑнӳкерчӗкпе тата Пишпÿлек ялӗн урамӗсем тӑрӑх автопробегпа вӗҫленнӗ.
Сăнÿкерчĕкĕсем: Пишпÿлек район администрацин социаллă сетьри страницинчен.
https://vk.com/officialbiz