Раштав ячӗпе!

Пишпÿлек районӗнчи хисеплӗ ҫынсем тата хӑнасем!
Сире Христос çуралнӑ ятпа саламлатпӑр!
Ҫак ҫутӑ праҫник тӗлӗнмелле хӑватлӑ. Ӗмӗрхи идеалсемпе йӑлана кӗнӗ хаклӑхсене сăнласа панă май, тӗнчене ҫӗнӗ шанчӑк парса, вӑл пирӗн чӗресене пысăк савӑнӑҫпа тултарать. Эпир кирек мӗнле шухӑшсемпе кăмăлсене тытса пырсан та, ҫав шухӑшсене пиртен кашниех ӑнланать. Ҫак уявӑн аслӑ вӑйӗ ҫавӑнта.
Раштав кунӗсенче пӗр-пӗрне тӑнӑҫлӑх, ырӑлӑх тата сывлӑш хӑвачӗ сунатпӑр. Хамӑр чӗресен ӑшшине пайлӑпӑр, хамӑр шухӑш-ӗмӗте вара ырӑ ӗҫсем тума, ҫынсене пулӑшма ӑнтӑлӑпӑр. Хамӑр Тӑван çӗршывӑмӑршӑн чун-чӗрери шанчăкпа тата тӗрӗслӗхпе усалпа кӗрешекен геройсемшӗн кӗлтӑвар.
Христос Раштавӗпе! Ӗненӳ, шанчӑк, юрату - пиртен кашнине.
Район Совечӗн председателӗ Ю.Г. ПАВЛОВ.
Район администраци пуҫлӑхӗ А.М. ЗАРИПОВ.