Çулталăкри вĕрентекен ята кам тивĕçет

Çакна 2020 çулхи «Учитель года Башкортостана» тата «Педагог дошкольной образовательной организации Башкортостана» республика конкурсĕн муниципалитет тапхăрĕ кăтартса парĕ.

Кăçал районта асăннă конкурса 12 вĕрентекен тата шкул çулне çитмен ачасен учрежденисен çичĕ педагогĕ тупăшать.

Программа тулăх пулмалла. Январĕн 20-мĕшĕнчен пуçласа 30-мĕшĕччен педагогсем Пишпÿлекри шкулсенче тата ача сачĕсенче уçă уроксемпе занятисем кăтартмалла, «Эпĕ — вĕрентекен!» эссере шухăшсене ăста кăтартса памалла, мастер-классенче ыттисене опытпа паллаштармалла, хăйсен выступленисене тишкĕрмелле, методика перлешĕвенче сăмах каламалла, интернет-ресурс транляцилемелле.

Вĕрентекенсене ăнăçу сунатпăр, чи ăсти, чи ăсли, чи вăйли çĕнтертĕрех!

Читайте нас: