Дистанци мелĕпе вĕрентÿ епле иртет?

Апрелĕн 6-мĕшĕнчен республикăри мĕнпур вĕрентÿ организацийĕсем дистанци мелĕпе вĕрентме пуçлаççĕ. Дистанци режимĕпе вĕрентессин уйрăмлăхĕсем çинчен ПР Вĕрентÿ министерствин брифингĕнче каласа панă.

Пуçламăш классенче вĕренекен ачасем вали, хашĕсен ашшĕ-амашĕсем самоизоляци режимĕнче те ĕçлеççĕ (полицейскисем, тухтăрсем, сутуçăсем тата ыттисем те), дежурнăй ушкăнсем йĕркелеççĕ. Вĕсенче 15 ачаран ытла пулмалла мар. Кун пек шкулсем республикăра сахал, пĕлтернĕ вĕрентÿ министрĕ Айбулат Хажин.

Вĕренекенсен тĕп шучĕ тĕрлĕрен системăсемпе платформăсем усă курса онлайн-уроксен формачĕпе вĕренĕ. Камăн компьютер тата интернет пур, вĕсем онлайн вĕренеççĕ тата кейс заданийĕсем илсе пурнăçлаççĕ. Пĕр заняти 30 минут пырать. Камăн телефон пур, анчах интернет хăвăртлăхĕ начар (çавна май вĕрентекенпе онлайн режимра калаçса пулмасть), тĕрлĕ мессенджерсемпе социаллă сетьсенче электронлă кейссем илсе пурнăçлаççĕ.

Енчен те ялсенче интернет пачах та çук пулсан, вĕренекенсене хут кейссемпе дистанци мелĕпе вĕрентĕç: эрнере виçĕ хут (тунтикун, юнкун тата эрнекун) дежурит тăвакан вĕрентекен шкул автобусĕпе вĕренекенсене килне заданисем килсе парать, пурнăçланисене тĕреслеме пуçтарса каять. ПР Вĕрентÿ министерстви пĕлтернĕ тăрăх, уроксен расписанийĕ улшăнмасть.

Дистанци мелĕпе сахалтан та икĕ эрне вĕренме тивет.

Паян Пушкăртстанра пурĕ 1318 шкул, унта 500 пине яхăн ача вĕренет.

«Башинформ» ИА материалĕсем тăрăх.

Читайте нас: