ППЭ тапхӑрӗ ҫӗртмен 8-мӗшӗнче пуҫланӗ

Кӑҫал шкултан вӗренсе тухакансем коронавируса пула Патшалӑхӑн пӗрлехи экзаменне каярах тытма пуҫлӗҫ. РФ Вĕрентÿ министерстви ку тапхӑр хӑҫан пуҫланассине палӑртнӑ.

ППЭ ҫӗртме уйӑхӗн 8-мӗшӗнче пуҫланӗ. Кун пирки РФ вĕрентÿ министрӗ Сергей Кравцов брифингра пӗлтернӗ. Министр палӑртнӑ тӑрӑх, Вĕрентÿ министерстви Рособрнадзорпа пӗрле экзаменсен расписанийӗн ҫӗнӗ проектне хатӗрленӗ.

Сергей Кравцов министр 11-мӗш класра вӗренекенсем валли вӗренӳ ҫулне ҫӗртме уйӑхӗн 8-мӗшӗччен тӑсас ыйтӑва та сӳтсе явнине пӗлтернӗ. 9-мӗш класран вӗренсе тухакансем вара экзаменсене ҫӗртмен 9-мӗшӗнче тытма пуҫлӗҫ.

#вӗренӳ, #тӳре-шара, #экзаменсем

Читайте нас: