Пушкӑртстан шкулӗсем 140 ҫӗнӗ автобус илнӗ

Çав шутра Пишпÿлекри 3-мĕш вăтам шкул та.

Пушкӑртстан Пуҫлӑхӗ Радий Хабиров республикӑри шкулсен директорĕсене 114 ҫӗнӗ автобус уҫҫине панă. Вӑл вӗсене професси уявӗпе саламланӑ тата ҫӑра уҫҫисене шӑпах ҫав кун символласа панине палӑртнӑ.

Тата 26 автобус шкула кайнă, унта документсем ҫырӑнаҫҫӗ.

"Эпир хамӑр ҫӗршыв Президентне шкул автобусӗсене улăштармалли программӑшӑн тав тăватпăр. Республикӑра 10 ҫул ытла ĕçленĕ автобуссем юлман, эпир норматива пурнӑҫларӑмӑр. Манӑн шкул автобусӗсен водителӗсене вӗсен ӗҫӗшӗн тав тӑвас килет, ку йывӑр ӗҫ, эпир сире хамӑр ачасен пурнӑҫӗпе хӑрушсӑрлӑхне шанатпӑр. 50 пине яхӑн ача республикӑра шкул автобусӗсемпе ҫӳрет. Сире лайӑх кӑмӑл, хӑрушсӑр ҫулсем, тӑнӑҫлӑхпа ырлӑх сунатӑп", — палӑртрӗ Радий Хабиров.

Республика пуҫлӑхӗ ГАЗ тата УАЗ маркăллă шкул автобусӗсене пӑхса тухрӗ, вӗсен техника пултарулӑхне хакларӗ, шкул директорӗсемпе тата автобуссен водителӗсемпе калаçрĕ.

Пушкӑртстанра шкул ачисене пӗтӗмпе вӗренӳ вырӑнне 1 476 автобус илсе килеҫҫӗ. Вӗсем 2883 халӑх пурӑнакан вырӑнсенчен 29 157 вӗренекене 789 шкула турттараҫҫӗ. 2019-2020 ҫулсенче республика 151 шкул автобусӗ туяннӑ, федераци бюджечӗн укҫи-тенки шучӗпе 107 автобус туяннӑ.

«Башинформ» информацийĕпе.

Сăнÿкерчекĕ: Пишпÿлек район администрацийĕн сайтĕнчен.  

Акă вăл — ГАЗель NEXT, вăл Пишпÿлекри 3-мĕш вăтам шкулта вĕренекенсене турттарĕ.