Январӗн 17-мӗшӗнче Пушкӑртстан шкул ачисем вӗренме пуçлаҫҫӗ

Январĕн 5-мӗшӗнче Пушкӑртстан Пуҫлӑхӗ Радий Хабиров 2022 ҫулта регион территорийӗнче коронавирус инфекцийĕ сарӑлнине хирĕç ĕçлекен оперативлӑ штабĕн пĕрремĕш ларӑвне ирттернӗ. Ытти ыйтусен шутӗнче вӗренӳ учрежденийӗсенче санитарипе эпидемиологи нормисене тытса пымалли ыйтусене пӑхса тухнă.
Пушкӑртстанри вӗренӳпе наукӑсен министрӗн пӗрремӗш заместителӗ Альберт Яримов республикӑри шкулсем январĕн 17-мӗшӗнче хӗллехи каникул хыҫҫӑн ӗҫе таврӑнма хатӗр пулни ҫинчен пӗлтернӗ. Вӗренӳ учрежденийӗсенче санитарипе эпидемиологи нормисене пӑхӑннине тӗрӗслесе тӑма 2 196 медицина инспекторӗ пулать.
Роспотребнадзорӑн республика Управленийӗн ертӳҫи Анна Казак вӗренме пуçлас умӗн апат-ҫимӗҫ хатӗрлекен пÿлĕмсене тата шкулсен пӳлӗмӗсене дезинфекци тумалли япаласемпе усӑ курса тасатмаллине палӑртнӑ.
"Башинформ" информацийĕпе.
Сăнÿкерчĕкĕ: Олег Яровиков