Библиотека — çемье ĕçĕ

Шкултан вӗренсе тухнӑ хыҫҫӑн Кистенлĕ ялӗнчи Елена Насертдинова умӗнче ыйту пулман, калаҫса татӑлнӑ — библиотекарь пулать. Хӑйӗн пулас профессийӗ ҫинчен илтнипе пӗлмен, унӑн амӑшӗ Наталия Васильевна Иванова 18 ҫул Кистенлĕри вӑтам шкулти библиотекарьте ӗҫлет.

Елена Уфари патшалӑх библиотека ӗҫӗн тата массӑллӑ коммуникацисен колледжне кĕнĕ, квалификаци — библиотекарь библиотековедени специальноҫне тимлӗн хатӗрленме пуҫланӑ. Библиографра Елена тӑхӑр ҫул ӗҫлет.

Елена Вячеславовна Пушкӑртстанри ҫамрӑк библиотекарьсен I Форумне хутшӑннă «Будущее за нами: профессиональный рост молодых библиотекарей», ҫамрӑк библиотекарьсен III Уҫӑ форумне "Библиотека: идейӑран пуҫласа практикӑна ҫити" онлайн-форматра хутшӑннă. Елена Вячеславовна хаман та вӗренет. "Пушкӑртстанри вӗренӳ организацийӗсен Ассоциацийӗ" программа тӑрӑх квалификацине ӳстерме "Цифра экономийӗн тӗп компетенцийӗсем" професси программипе хушма программа иртнӗ. Библиограф республикӑри тата районти библиотека конкурсӗсене, спорт мероприятийӗсене хутшӑнать. 2021 ҫулта "Культура волонтерӗсене" тав ҫырӑвӗпе чысланӑ.

Ӗҫрен пушӑ вӑхӑтра Елена алмаз тӗррипе кӑсӑкланать, анчах кӗнекене те пӑрахмасть. Елена хӑйӗн юратнӑ произведенийӗсем — Дарья Донцовӑн пирвайхи романӗсемпе детективӗсем пулнине  пытармасть.

— Мӗншӗн ку профессие суйларӑм? Паян библиотека — информаци илни ҫеҫ мар, тӗлпулусемпе хутшӑнусен вырӑнӗ. Хальхи тӗнчере библиотека яланах аталанса пымалла тесе шутлатӑп. Кӗнекесене усрама та, пама кăна ҫителӗклӗ мар ӗнтӗ. Хальхи обществӑн пурнӑҫ йӗрки халӗ питӗ хӑвӑрт пырать, вулакана халь кӗнекесем ҫеҫ кирлӗ мар, ӑна майсем кирлӗ. Ҫапла вара, хальхи библиотекӑн пурнӑҫӗ самай анлӑрах, ҫутӑрах, нумай енлӗрех пулса тӑчӗ тесе шутлатӑп. Кӗнекесем пирӗн пурнӑҫран тухса кайӗҫ-и вара? Анчах эпир этем еткерӗн мулне хаклама пӑрахсан ҫеҫ, — вӗҫлет Елена Насертдинова.

Карина ПАВЛОВА.

Сăнÿкерчĕкĕ: Елена Насертдинован архивĕнчен.