Раççей Çутĕç министерстви шкул ачисене мобильлĕ телефонӗсемпе уроксенче усӑ курма чарнӑ

Шкул ачисен заняти вӑхӑтӗнче мобильлĕ телефонӗсемпе усă курма май ҫук. Ҫӗнӗ вӗренӳ ҫулӗнчен пуҫласа Çутӗҫ министерстви уроксенче гаджетсемпе усӑ курма чарать. Пӗтӗм Раҫҫейри ашшӗ-амӑшӗсен пухӑвӗнче ҫӗнӗ хыпара пӗлтернине ведомство ертӳҫи Сергей Кравцов каланă.
"Мӗнле те пулин ыйтусем пур пулсан, ачасем шӑнкӑравлама пултараҫҫӗ. Анчах уроксене, ҫӗнӗ санитари правилисемпе килӗшӳллӗн, сентябрӗн 1-мӗшӗнчен пуҫласа уроксенче мобильлĕ телефонсемпе усӑ курма юраманнине палӑртатӑп эпӗ", - пӗлтернӗ ҫутӗҫ министрӗ.
"Башинформ" информацийĕпе.
Сăнӳкерчӗкĕ: "Башинформ" ИА архивӗ.