Ÿкерни ачашӑн - ҫӗнӗ, тӗлӗнмелле, илӗртӳллӗ тӗнче

Ÿкерни ачашӑн - ҫӗнӗ, тӗлӗнмелле, илӗртӳллӗ тӗнче, ӑна вӑл хӑй валли уҫма пултарать. Хӑйсен ӳкерчӗкӗсемпе ачасем тулашри тӗнчене тишкерме ҫеҫ мар, хӑйсен шалти тӗнчине, хӑранине, ӗмӗчӗсене, сăлтавĕсене палӑртаҫҫӗ. Ӳкерни пур енчен те усӑллӑ, вӑл моторикӑна, ӑс-хакӑла, сӑнарлӑ шухӑшлава, чӑтӑмлӑха, дисциплинӑна аталантарма пулӑшать. Пишпÿлекри Ача-пӑча пултарулӑх центрӗн "Асамат кӗперӗ" пĕрлешĕвĕн 2-мĕш ушкӑнĕнче вӗренекенсем (педагогĕ М.А. Кузгунова) ӳкерӳ занятийӗнче хохлома росписӗпе паллашнӑ, хӑйсемех тӗрӗсем тунӑ. Акварельпе ӗҫленĕ.
Сăнÿкерчĕкĕсем: Пишпÿлекри Ача-пӑча пултарулӑх центрӗн социаллă сетьри страницинчен.