Алена Никитина "Профессие парӑннӑшӑн" номинацире çĕнтерÿçĕ пулса тăнă

Пишпÿлек районĕнчи педагогика ӑсталӑхӗн "Çулталӑк учителӗ-2023", "Шкулчченхи вӗренӳ педагогӗ-2023" конкурсӗн муниципалитет тапхăрĕ вӗҫленнӗ, унта Пишпÿлекри "Дюймовочка" ача сачĕн (Йăлпăлакри филиалĕ) воспитателĕ Алена Анатольевна Никитина хутшӑннӑ.
Конкурсантсем пур тӗрӗслеве те тивӗҫлӗ тӳссе ирттернĕ: уҫӑ занятисем ирттернĕ, ӑсталӑх класӗсем кӑтартнă, хӑйсен ӗҫ опычӗ çинчен каласа панă, вӗренӳпе воспитани ыйтӑвӗсемпе çавра сӗтеле хутшӑннă.
Ӑмӑрту пĕтĕмлетĕвĕсем тӑрӑх, Алена Анатольевна "Шкулчченхи вӗренӳ педагогӗ-2023" муниципалитет этапӗнчи "Профессие парӑннӑшӑн" номинацире çĕнтерÿçĕ пулса тăнă. Ӑна ҫӗнтерӳ ячӗпе саламлатпӑр тата малашнехи пултарулӑх ҫитӗнӗвӗсем сунатпӑр!
Сăнÿкерчĕкĕсем: Пишпÿлекри "Дюймовочка" ача сачĕн социаллă сетьри страницинчен.