Раҫҫейре учительсене Президент премийӗсем ытларах парӗҫ

Педагогика ӗҫӗнчи ҫитӗнӳсемшӗн Раҫҫейре Президент премисен шучӗ ӳсӗ. Маларах пин преми панӑ пулсан, халӗ премисем 1250 учитель илӗ, пĕлтерет "Башинформ" агентство.
Тивӗҫлӗ улшӑнусене 2023 ҫулхи февралӗн 6-мӗшӗнче Раҫҫей Президенчӗн 2018 ҫулхи ноябрӗн 28-мĕшĕнчи указне кӗртнӗ. Документ вӑл алӑ пуснӑранпа вӑя кӗрет.
Аса илтеретпӗр, кашни преми виҫи 200 пин тенкӗпе танлашать. Наградӑсене кашни ҫул конкурс итогӗсем тӑрӑх Учитель кунӗ тӗлне параҫҫӗ. Унта педагогика ӗҫӗн виҫӗ ҫултан пуҫласа стажӗпе учительсем хутшӑнма пултараҫҫӗ.
https://www.bashinform.ru/news/social/2023-02-06/v-rossii-budet-prisuzhdatsya-bolshe-prezidentskih-premiy-dlya-uchiteley-3132666