Правительство Раҫҫейри чи лайӑх учительсен премисен шутне ӳстернӗ

Раҫҫей правительстви педагогика ӗҫӗнче ҫитӗнӳсем тунӑшӑн чи лайӑх учительсене паракан премисен шутне ӳстернӗ. Кун ҫинчен министрсен кабинечĕн телеграмминче пӗлтернӗ.

2023 ҫултан пуҫласа педагогика ӗҫӗнче ҫитӗнӳсем тунӑшӑн чи лайӑх учительсене премисем пама конкурс ҫӗнтерӳҫисен шучӗ 1000 çынран пуҫласа 1250 ҫын таран ӳсӗ. Тивӗҫлӗ постановление Раҫҫей правительствин председателӗ Михаил Мишустин алӑ пуснӑ. Учительсен конкурсне ҫулсерен, 2006 ҫултан пуҫласа, регион шайӗнче ирттереҫҫӗ. Унта ҫӗнтерекенсем 200 пин тенкӗ виҫепе преми илеҫҫӗ. Федераци бюджетӗнче 2023-2025 ҫулсенче ҫакна валли ҫулсерен 250 млн тенкӗ пӑхса хӑварнӑ. Конкурс комиссийӗ педагогсен ӗҫӗн тӗрлӗ енӗсемпе тунӑ ҫитӗнӗвӗсене хаклать. Конкурса виҫӗ ҫул ытла специальноҫпа ӗҫлекен учительсем хутшӑнма пултараҫҫӗ. Премисем илме кашни ҫул Раҫҫейри мӗнпур регионтан 4 пин педагога явӑҫтараççĕ.

https://www.bashinform.ru/news/social/2023-03-19/pravitelstvo-uvelichilo-kolichestvo-premiy-luchshim-uchitelyam-rossii-3182829

Сăнÿкерчĕкĕ: "Башинформ" ИА архивӗ.