Ку пӗрремӗш опыт кăна вӗт, пурте пуҫланать çеç

Апрелӗн 15-мӗшӗнче Пушкӑрт Аграри патшалӑх университечӗнче Республикӑри "РобоФинист" робототехника чемпионачӗ иртнӗ, унта Пишпÿлекри Ача-пăча пултарулăх центрĕнчи ачасем ҫичӗ номинацирен икӗ номинацие хутшӑннă. "Робототехника" пӗрлешӗвӗн вӗренекенӗ Леонтьев Матвей "Утакан роботсен марафонӗ" номинацире ӑмӑртнă, унта унӑн ӗҫӗ хура йӗр тӑрӑх дистанцие ҫӗнтермелле пулнӑ. Ҫавна май Матвей республикӑри тӗрлӗ хуласемпе районсенчен 15 командӑна тивӗҫлипе хирӗҫ тухнӑ. Цынаев Александр "EV3 ансӑр лини тӑрӑх йӗрлесе пырасси" номинацие хутшӑннă, унта унӑн робочӗ кӗске вӑхӑтра пӗтӗм карттӑ тӑрӑх иртмелле пулнӑ. Ҫавна май унӑн ӗҫӗ хӑйӗн номинацийӗнчи ӑмӑрту призерӗ ятне илме икĕ çеккунт ҫитмен. Ачасене малашнехи пултарулӑх ҫитӗнӗвӗсем сунатпӑр, ку ӑмӑртӑва хутшӑннин пӗрремӗш опычӗ кăна вӗт, пурте пуҫланать кӑна.
Сăнÿкерчĕкĕсем: Пишпÿлекри Ача-пӑча пултарулӑх центрӗн социаллă сетьри страницинчен.