Çуллахи лагерьте кунсем шеп иртеççĕ

Иртнӗ эрнере Пишпÿлекри 3-мĕш вăтам шкулăн кӑнтӑрла пулмалли лагерьте кунсем питӗ тулăх иртнĕ. Кашни кун тематика мероприятийӗсем иртнĕ. Ытларикун - "Ҫул правилисем пĕлтерĕшлĕ - ҫул правилисем кирлӗ". Шкул лагерьне ГИБДД инспекторӗ М.В. Вдовин пырса кайнă, вӑл ҫул ҫинчи правилăсене аса илтернӗ.
Юнкун - "Юмахсен страницисем тӑрӑх". Ачасем выступление питӗ тӗплӗ хатӗрленнĕ, хӑйсене чӑн-чӑн артистсем пек кӑтартнă.
Кӗҫнерникун - "Тӗнчери халӑхсен ташшисем". Ҫак кун ачасем ташăсен нумай енлӗ стилĕсемпе паллашнă.
Эрнекун - "Юмор кунӗ". Кашни отряд кулӑшла сценка кӑтартнă, унтан тӗрлӗ халӑхсен вӑййисене вылянă.
Шӑматкун - "Мул шыраса". Пиратсем пытарса хунӑ мула тупма, пиратсен карапӗн капитанӗ пулма шутламан ĕмĕтленмен пӗр ҫын та ҫук ĕнтĕ. Ачасене вара ҫакӑн пек май килсе тухнă.
Вырсарникун - "Экскурси". Уҫӑ сывлӑшра уҫӑлса ҫӳреме, ҫырла пуҫтарма пултарнă.

Сăнÿкерчĕкĕсем: Пишпÿлекри 3-мĕш вăтам шкулăн социаллă сетьри страницинчен.
https://vk.com/club206548118