19 ҫӗршыври 24 600 ытла шкул ачипе студент Финанс хӑрушсӑрлӑхӗн пӗтӗм тӗнчери олимпиадине регистрациленнӗ

Тӗнчери финанс хӑрушсӑрлӑхӗпе ҫыхӑннӑ олимпиадӑн малтанхи тапхӑрне хутшӑнма 24 600 представитель 19 ҫӗршывран регистрациленнӗ.
Тӗнчери олимпиадӑн финанс хӑрушсӑрлӑхӗн Ӗҫ тӑвакан комитечӗн ларӑвӗнче студентсемпе шкул ачисемшӗн анат тапхӑрти пӗтӗмлетӳсене пӑхса тухнӑ, ҫавӑн пекех финал ӑмӑртӑвӗсене ирттермелли ыйтусене сӳтсе явнӑ.
Туслӑ ҫӗршывсенчи граждансен олимпиада тĕлĕшпе пысӑк интереспа ҫыхӑннӑ май Ӗҫ тӑвакан комитет малтан ют ҫӗршыври ҫынсем валли квотăсем уйӑрса парасси ҫинчен калаҫса татӑлнӑ. Финалистсен списокне август уйӑхӗнче суйлав тапхӑрне ирттермелли пӗтӗмлетӳсем тӑрӑх палӑртнӑ. Исполком йышӑнӑвӗпе кӑҫалхи кӗркунне "Сириус" площадкинче иртекен олимпиадӑн финал тапхӑрне ирттерме хатӗрленме пуҫланнă. Программа тест заданийӗсене, чӗннӗ экспертсемпе тӗлпулусене, спорт мероприятийӗсене, семинарсене, практикумсене, мастер-классене, ӗҫ паракансемпе тӗлпулусене, ҫаврака сӗтелсене, дебатсене, пултарулӑх тӗлпулӑвӗсене тата панель дискуссийӗсене кӗртӗ.

Ӑмӑрту ҫӗнтерӳҫисем аслӑ шкула, магистратурӑна е аспирантурӑна профильлӗ ҫул-йӗрпе кӗнӗ чухне ҫӑмӑллӑх илӗҫ, ҫавӑн пекех финанс хӑрушсӑрлӑхӗн сумлӑ сферинче хӑйсен ӗмӗтне тупма пултарӗҫ.

https://kumertime.info/articles/obrasovanie/2023-07-06/bolee-24-600-shkolnikov-i-studentov-iz-19-stran-zaregistrirovalis-na-mezhdunarodnuyu-olimpiadu-po-finansovoy-bezopasnosti-3330678