Республика кунĕнче 905 шкул ачине "шаймуратовецсене" халалланӑ

Октябрӗн 11-мӗшӗнче республикӑри хуласемпе районсенчи "шаймуратов" классенчи 905 шкул ачине Уфари Совет площадӗнче, "шаймуратовецсене" чаплӑн халалланӑ.
Церемоние Пушкӑртстан Пуҫлӑхӗ Радий Хабиров тата Абхази Президенчӗ Аслан Бжания хутшӑннӑ. Вӗсем Раҫҫей Геройӗн генерал-майор Минигали Шаймуратов палӑкӗ умне чечексем хунă. Хӑйӗн сӑмахӗнче регион ертӳҫи Тӑван çӗршывпа Пушкӑртстан историйӗнче Минигали Шаймуратов уйрӑм вырӑн йышӑнса тӑнине палӑртнă тата "шаймуратов" класĕсенче вӗренекенсене ырӑ сунса саламланă.

– Сире, ачасем, легендарлӑ комдив ячӗллĕ хисеплĕ шкул коллективӗн пайӗ пулма чыс пулчӗ. Минигали Шаймуратов сирӗн пекех, ахаль каччӑ пулса ӳснӗ, анчах яланах нумай тӑрӑшнӑ, ҫине тӑрса хӑйӗн тӗллевӗ патне – Тӑван çӗршывӑн шанчӑклӑ патриочӗ, унӑн паттӑр хӳтӗлевҫи пулма тӑрӑшнӑ, - палӑртнă Радий Хабиров. – Сире лайӑх вӗренме, лайӑхрах пулма, пысӑк тӗллевсем патне кайма чӗнсе калатăп. Раҫҫей патриочӗ, историе, культурӑна, чаплӑ йӑласене хӳтӗлекенни - ҫакӑ сирӗн пурнӑҫ принципӗ пулса тӑмалла.

Вӗренекенсем ҫамрӑк "шаймуратовецсен" тупине туса хӑйсен гимне – "Шаймуратов генерал" юррине юрланă. Мероприяти "шаймуратовецсене" ялавсем панипе тата чаплӑ маршпа вӗҫленнӗ.

https://mgazeta.com/news/novosti/2023-10-11/v-den-respubliki-905-bashkirskih-shkolnikov-posvyatili-v-shaymuratovtsy-3474646