Радий Хабиров Республикӑри вӑтам професси пӗлӗвӗн канашӗн итогӗсене палӑртнӑ

Кӑҫал Пушкӑртстан колледжĕсене 36 пин пӗрремӗш курсра вӗренекен пынӑ, вӑтам професси пӗлӗвӗн студенчӗсем тӑххӑрмӗш класра вӗренекен 60 процент ытла пулса тӑнӑ. Кун пирки Пушкӑртстан пуҫлӑхӗ Радий Хабиров пӗлтернӗ. Регион ертӳҫи каярахпа колледжран вӗренсе тухакансем 80% ытла ӗҫе вырнаҫнине палӑртнӑ.
Радий Хабиров тата вӑтам професси пӗлӗвӗн хисепӗ тата кирлӗ ыйтӑвӗ ҫулран ҫул ӳссе пынине палӑртнӑ.
Паян тӗп задача - студентсем вӗренме тата хӑтлӑ пурӑнма пултарччӑр тесе условисем йӗркелесси. Ҫакна тума регионта федерацин "Профессионалитет" проекчӗпе вӗренӳ тата производствӑпа вӗренӳ кластерӗсем йĕркеленĕ, вӗсен шучӗпе Пушкӑртстан Раҫҫейре пӗрремӗш. Унсӑр пуҫне вӗренӳ заведенийӗсемпе предприятисем хушшинче контактсем вӑйланаҫҫӗ. Колледжсене, преподавательсене тата производство вӗрентӗвӗн ӑстисене грант параҫҫӗ. Республикӑри ытти регионсемпе чикӗленекен районсенче, колледжсен филиалӗсем уҫӑлаҫҫӗ - ачасем килте юлччӑр, кӳршӗсем патне ан кайччӑр тесе. Унсӑр пуҫне вӗренӳ ҫурчӗсемпе общежитисене юсама бюджетран укҫа-тенкӗ уйӑраҫҫӗ - ҫулсерен 500 млн тенкӗ.
https://mgazeta.com/news/novosti/2023-12-26/radiy-habirov-podvel-itogi-respublikanskogo-soveta-po-srednemu-professionalnomu-obrazovaniyu-3583210