"Крепость" отряд ачисем пушар чаçĕнче экскурсире пулнă

Пишпÿлекри 1-мĕш вăтам шкулти шкул ҫумӗнчи лагере çÿрекенсен "Крепость" отряд ачисем, Пишпÿлекри пушар чаҫне экскурсине кайса курнă, унта вӗсене кӑмӑллӑ кӗтсе илнĕ тата пушарпа техника хӗҫпӑшалӗсемпе паллаштарнă.

Пишпÿлекри 68-мĕш пушарпа ҫӑлав пайӗн начальникӗн заместителӗ Азамат Динисламов пушар чаҫӗнче ӗҫлекен машинӑсем ҫинчен, вӗсем мӗнле ӗҫлени тата мӗн-мӗн туни ҫинчен каласа панă. Ҫавӑн пекех ачасене боевой тумтир, пушарпа ҫӑлав оборудованийӗн предмечӗсене кӑтартнă; пушар ҫурчĕ тӑрӑх экскурси ирттернĕ, хурал пӳлӗмӗсене, дежурнӑй-диспетчер службине кӑтартнă.

Ачасем интересленсе итленĕ, ыйтусем панă. Ку кун вӗсем ҫӗнӗ те усӑллӑ информаци нумай пӗлнĕ.

Сăнÿкерчĕкĕсем: Пишпÿлекри 1-мĕш вăтам шкулăн социаллă сетьри страницинчен.

https://vk.com/public210652587