Пишпÿлекри 3-мĕш вăтам шкулти ҫуллахи лагерьте çутçанталăк кунĕ иртнĕ

Июнӗн 25-мӗшӗ Пишпÿлекри 3-мĕш вăтам шкулти ҫуллахи лагерьте ачасемшĕн кун каҫиччен интереслӗ те ӑнлануллӑ иртнӗ. Кун тематики — "Ҫутҫанталӑк пуянлӑхӗ тата ҫӗр айӗнчи усӑллӑ япаласем" пулнă.

Кун йӑлана кӗнӗ ирхи зарядкӑран пуҫланнă, ирхи апат хыҫҫӑн ачасем отрядсен ӗҫне тытӑннă.

Воспитательсем тематика кунне халалланӑ чылай мероприяти ирттернӗ: "Ҫутҫанталӑк тата эпир", "Вӑрман — ҫутҫанталӑк пуянлӑхӗ" экологи сехечӗ.

Пушкӑртстан Республикин ҫутҫанталӑкӗпе пуянлӑхӗсем ҫинчен видеофильмсем пӑхнă, "Çутҫанталӑк кладовойӗ" шкул таврашӗнче экскурси ирттернĕ, урӑхла каласан, пирӗн тӑрӑхра ӳсекен йывӑҫсене тĕпченĕ. Чӗрчунсен тӗнчине коллекцисем тӑрӑх вӗреннӗ.

Воспитанниксем ҫутҫанталӑка упрасси мӗне пӗлтернине пӗлнӗ. Мӗн тума юранине, вӑрманта мӗн тума юраманнине, шыв ресурсӗсене сыхламалли правилӑсемпе паллашнă.

Ачасем интересленсе итленĕ, ыйтусем панă.

Ҫавӑн пекех "ПР çӗр айӗнчи усӑллӑ япалисем" слайдсем  пӑхса тухнӑ. Ачасем тимӗртен тунӑ япаласене, вӗсен пĕлтерĕшĕ çинчен калаҫнă. Ҫутҫанталӑк питӗ илемлӗ, ӑна упрас пулать, тесе шутланă вӗсем.

Шкул ҫумӗнчи лагерь воспитанникӗсем "Çак тӗнчене упраса хӑварар", "Çутҫанталӑка сыхлӑр" экологи постерӗсем тунӑ, унтан вӗсен отрядсенче презентациленĕ.

Кӑнтӑрлахи апат хыҫҫӑн тупмалли сăмахсен тупсӑмĕсене тупнă, уҫӑ сывлӑшра вылянă.

Лагерьти хаваслӑ, активлӑ кану — ӑнӑҫлӑ каникулӑн никӗсӗ, ҫавӑнпа кун савӑнӑҫлӑ, ырӑ та активлӑ иртнӗ!

Сăнÿкерчĕкĕсем: Пишпÿлекри 3-мĕш вăтам шкулăн социаллă сетьри страницинчен.

https://vk.com/club206548118