Пишпÿлекри 3-мĕш вăтам шкулта вӗренекенсем дрон чемпионачӗн финал тапхӑрне хутшăннă

Июлӗн 4-мӗшӗнчен пуҫласа 8-мӗшӗччен Хусан туслӑ спорт туртӑмӗн центрӗ пулса тӑнӑ!

Тутарстан тӗп хулине Раҫҫейри 59 регионтан 119 команда пухӑннӑ. "Тулпар" стадионра "Пуласлӑх пилочӗ" дрон чемпионачӗн финал тапхӑрӗ иртнӗ, унта «Движение первых» ушкăна хутшӑнакансем рекордсем лартнӑ, дрон управленийӗн ӑсталӑхне кӑтартнӑ.

Спортсменсем пӗрлӗхӗн чаплă уявне йӗркеленӗ, проектӑн пӗр дисциплининче хӑйсен пултарулӑхне кӑтартнӑ:

 пилотсем вали — симулятор, дрон хӑваласси, груз турттарасси, ҫӗр ҫине анса ларасси; механиксем вали — склад мониторингӗ, дрон пухасси, тестласси; хушма — дрон-баскетбол, тоннель, дрон-дартс.

Финалта Пишпÿлекри 3-мĕш вăтам шкулта вӗренекенсем Артем Асадуллин, Родион Иванов тата Павел Иванов хӑйсен вӑйне тӗрӗслесе пӑхнӑ. Ку вӑл манӑҫми опыт тата малалла аталанма пысӑк хавхалану пулнӑ.

#ДвижениеПервых
#ПилотыБудущего
#НавигаторыДетства
#Росдетцентр
#НавигаторыДетстваРБ

Школа №3 с. Бижбуляк

Сăнÿкерчĕкĕсем: Пишпÿлекри 3-мĕш вăтам шкулăн социаллă сетьри страницинчен.

https://vk.com/public206548118