Вĕрентекенсен династине малалла тăсать

Вӗренӳ цифровизацийӗн муниципалитет центрӗн заведующийӗ Сергей Михайлович Александров информатика предмечӗн пуçламăшĕнче тӑнӑ.

— Эпӗ 1961 ҫулхи июнӗн 23-мӗшӗнче Пăслăкра педагогсен ҫемйинче ҫуралнӑ. Шкулта хавхаланса вӗренеттӗм, класра юлса пыракансене яланах пулӑшаттӑм, уроксем хыҫҫӑн вӗсемпе вӗренеттӗм, — каласа парать Сергей Михайлович. — Ҫавӑнпа профессие мӗн ачаранпах суйласа илнӗ: тӑваттӑмӗш сыпӑкри учительсен династине малалла тӑсмалла. Спортпа туслă пулнă: бокс, ирӗклӗ кӗрешӳ, йӗлтӗр, волейбол, хоккей. Физика кружокӗсенче юлташĕсемпе пӗрле электрогитарăсем валли сасӑ кӑларакансем пухнӑ, шкул ансамблӗ валли пӗчӗк сасӑ усилителӗ тунӑ. Пăслăкри вӑтам шкулта районти художество коллективӗсем хушшинче пӗрремӗш "Юрату" инструмент ансамблӗ йĕркеленнĕ.

Шкул хыҫҫӑн Сергей Михайлович Стерлитамакри патшалӑх педагогика институтӗнче физикӑпа математика учительне вӗреннӗ. Спортпа туслă пулнă, радиоэлектроникӑпа тата программированипе интересленнĕ. Институтра та, общежитире те обществӑлла ӗҫ тунӑ, общежитин студентсен совечӗн председателӗ пулнӑ. Занятисем хыҫҫӑн ӑна яланах ЭВМ кабинетӗнче тупма пулнă, унта вӑл компьютер технологийӗпе программăлассин никĕсĕсене хӑй тӗллӗн вӗреннӗ. Ҫаксем пурте вӑхӑтра кирлĕ пуласса вӑл питӗ лайӑх пӗлнĕ. 1985 ҫулта шкулсенче "Информатика" ҫӗнӗ предмета программӑна кӗртнӗ. Хӑйӗн диплом ӗҫне Сергей Михайлович "ноу хауна" вӗренекенсен пӗлӗвӗсене тӗрӗслес тӗлӗшпе ЭВМпа усӑ курассине халалланӑ.

— Аслӑ шкултан вӗренсе тухнӑ хыҫҫӑн Кистенлĕри вӑтам шкулта ӗҫлеме пуҫларӑм, — тет малалла Сергей Александров. — Вӗренекенсемпе тата ашшӗ-амӑшӗсемпе тачӑ ӗҫлеттĕм. Волейболла, "Мĕн? Ӑçта? Хăçан?" вӗренекенсемпе ҫеҫ мар, ашшӗ-амӑшӗпе те, ялти ҫамрӑксемпе те ирттернĕ. Аслӑ класра вӗренекенсемпе физкультура учителӗсем пулӑшнипе шкул картишӗнче хоккей катокне шыв ярса шӑнтнă. Ҫав вӑхӑтра пушӑ вӑхӑта ирттермелли центрӗ шкула куҫрӗ, пурте кунта туртӑннă. Кистенлĕри çуртсене тата социаллӑ пӗлтерӗшлӗ объектсене газификацилеме колхоз руководствине проект-смета докуменчӗсене хатӗрлеме пулӑшнӑ. Авланнӑ, хӗрачасем ҫуралнӑ, унтан тӑван Пăслăка куҫнӑ, — тет Сергей Михайлович.

Сергей Александров Пăслăкри вӑтам шкулӗнче физика, математика тата информатика учителӗ пулса 20 ҫул ытла ӗҫленӗ. Шутлав хӑнӑхӑвӗсене, логикӑлла шухӑшсене йӗркелес тӗлӗшпе пысӑк тимлӗх уйӑрнӑ. Вӑл чи малтан мультимедиа урокӗсемпе, интерактивлӑ доскапа тата пысӑк технологин ытти хатӗрӗсемпе усӑ курнӑ, хӑйӗн шкулӗнче тата районти шкулсенче локальлĕ сеть ирттернĕ. Хӑйӗн опычӗ çинчен ӗҫтешӗсене каласа панӑ, опычӗпе улӑштарма практика семинарӗсене чӗннӗ, "Пушкӑртстанри электронлӑ шкулсем" площадкӑра сӑмах тухса каланӑ. Унӑн вӗренекенӗсенчен нумайӑшӗ техника аслă шкулӗсене вӗренме кӗнӗ. Ял-йыш, шкул коллективĕ тата вӗренекенсен хисепне хӑйӗн ӗҫӗпе ҫӗнсе илнӗ. Хальхи вӑхӑтра районти вӗренӳ пайӗнче муниципалитет пӗрлӗхӗн заведующийӗ пулса ӗҫлет. Сергей Михайлович - пысӑк квалификациллӗ специалист. Ӗҫ кӑтартӑвӗ Пӗтӗм Раҫҫейри "Çулталӑк учителӗ" конкурсӑн муниципалитет этапӗсен финалистсен хӑй туса хатӗрленӗ персоналлӑ сайчӗсем пулса тӑраҫҫӗ. Сергей Михайлович электронлӑ дистанциллӗ вӗренӳ сайчӗ туса хатӗрленӗ, Пишпÿлек районӗнчи modle СЭДО платформи ҫинче электронлӑ-дистанциллӗ вӗрентӳпе усӑ курмалли шкул вӗрентекенӗсем валли методика пособийӗсем туса хатӗрленӗ. Вӗренӳ организацийӗнче электронлӑ документ ҫаврӑнӑшне ӗҫе кӗртет. Сергей Михайлович ирттерекен шкулсенче информаци технологийӗсемпе усӑ курасси тата вӗсемпе вӗренӳ процесӗнче усӑ курасси ӳссех пырать. Сергей Михайлович - хӑйӗн облаҫӗнче вӗреннӗ специалист, хӑйӗн ӗҫӗн результачӗсене планлама тата прогнозлама пӗлекенскер, учительсемпе ӗҫтешсем хушшинче тивӗҫлӗ хисеппе усӑ курать.

Сергей Михайловичпа мӑшӑрӗ Светлана Ильинична, Пăслăкри вӑтам шкул педагогӗ, икӗ хӗрпе ывӑл ҫитӗнтернӗ. Вӗсен ултӑ мӑнук ҫитӗнет. Ксенипе Мария Александровсен педагогсен мухтавлӑ династине малалла тӑснӑ май шкулсенче учительсем пулса ӗҫлеҫҫӗ. Мӑнукӗсем тӗрлӗ вӑйӑ выляҫҫӗ, анчах чи юратнӑ вӑййи, шкулла выляни пулать. Ача чухне Сергей Александров хӑй те çапла вылянӑ вӗт.

Владимир СМОЛОВ.

Сӑнӳкерчӗкӗ: Владимир Смолов.