Историе упракансен амбассадорӗсем пулса тӑчӗҫ

Радий Хабиров: "Эпир сирӗнпе ҫӑмӑл мар, анчах питӗ лайӑх вӑхӑтра пурӑнатпӑр — чӗнӳсен, ҫӗнӗ ҫитӗнӳсемпе ҫӗнтерӳсен тапхӑрӗнче. Ҫак ҫула та пирӗн пӗрле иртмелле. Эсир пирӗншӗн - пысӑк тӗрек тата пулӑшу. Пирӗн ҫамрӑксем ҫӗршывпа республика пуласлӑхӗ шанчӑклӑ алӑра пулнине ҫирӗплетсе параҫҫӗ".
Акмулла ячĕллĕ университечӗн истори, право тата социаллӑ гуманитари вӗренӗвӗн институтӗнче "Историе упранакансен амбассадорӗ" Пӗтӗм Раҫҫейри "Историе упракансем" проектӑн шайӗнче "Эпӗ — историе упракан" пӗтӗмлетӳ мероприятийӗ пулса иртнӗ. Ҫак мероприятие Раҫҫейри ачасемпе ҫамрӑксен "Движение первых" регионти уйрӑмӗпе пӗрле йӗркеленӗ.
"Историе упракансем" — команда ӗҫӗ ҫинчен калакан проект. Унӑн тӗп тӗллевӗ - ӗҫ-хӗле йӗркеленĕ урлӑ историлле асра упраса хӑвармалли хаклӑхсен тытӑмне ҫирӗплетесси. Проект миссийӗ — ҫӗршыври пулас геройсене тата Тӑван çӗршывӑн чӑн-чӑн патриочӗсене воспитани парасси. Пирӗн районтан унта Константин Кудряшов (Пишпÿлекри 2-мĕш вӑтам шкул) тата Екатерина Егорова (Пăслăкри К.Иванов ячĕллĕ вӑтам шкул) хутшăннă.
Историпе право тата социаллӑ пурнӑҫпа гуманитари вӗренӗвӗн институчӗн директорӗ Оксана Шамигулова хӑнасемпе хутшӑнакансене саламлӑ сӑмах тухса каланă. Пушкӑрт Республикин "Движение первых" регионти уйрӑмӗн председателӗ Ранис Хасанов, "Пушкӑртстан Пионерĕсем" регионти ача-пӑча организацийӗн председателӗ Ирина Антонова, "Раҫҫей шырав юхӑмӗн" регионти совечӗн председателӗ Владимир Волков, ПР Регионти уйрӑмӗн штаб начальникӗн заместителӗ Юнарми вырӑнти Уфари уйрӑмӗн штабӗн начальникӗ Булат Ибраев хисеплӗ хӑнасем пулса тӑнă.
Площадкӑсенче ӗҫленӗ чухне проекта хутшӑнакансем "Движение первых" ӑслӑлӑх никӗсӗсемпе паллашнă, шефство добровольчество чикки пулнине пӗлнĕ, хисеплӗ хурал традицийӗн хаклӑхӗпе пӗлтерӗшӗсене историе кӗрсе вырнаҫнă. Мероприяти хӑнисене ИИПСГО Глеб Луц студентӑн "Пуласлӑх археологийӗ" виртуаллӑ музейӗ проекта пурнӑҫланин результачӗсемпе паллаштарнӑ. Хутшӑнакансемпе хӑнасем умӗнче профориентаци ӗҫӗн шайӗнче институт кафедрин заведующийӗсем тухса калаҫнă. Мероприятие пӗтӗмлетнӗ вӑхӑтра хутшӑнакансене Историе упракансен амбассадорӗн статусне ҫирӗплетекен сертификатсем чаплӑ лару-тăрура панă.
— Октябрӗн 10-мӗшӗнче эпӗ "Историе упракансен амбассадорӗ" регионти мероприятие хутшӑнтӑм, - каласа парать Константин Кудряшов. — Пирӗншӗн тӑватӑ площадка — "Пуласлӑх археологийӗ" виртуальнӑй музей, Хисеплĕ хурал "Истори. Хаклӑ япаласем. Пӗлтерӗшӗ" ; "Истори кадрĕсем"; "Добровольчество чикки пек шефство" ӗҫленӗ тата наставниксем валли "Малтисен юхӑмӗнче вӗрентни" текен тепӗр площадка ĕçленĕ. Мероприятире ҫӗннине нумай пӗлтӗм, ҫӗнӗ туссем тупрӑм, чи кирли - историе упракансен амбассадорӗ пулса тӑтӑм.
Екатерина СЕМЕНОВА,
Анфиса ВАСИЛЬЕВА,
Пишпÿлек районӗнчи "Движение Первых" вырӑнти уйрӑмӗн ӗҫне йӗркелес енӗпе ӗҫлекен специалистсем.
Сӑнӳкерчӗкӗсем: Анфиса Васильева.