Пишпÿлекри 2-мĕш вăтам шкулта пĕрремĕш класра вĕренекенсене халалланă уяв иртнĕ

Пишпÿлекри 2-мĕш вăтам шкулта пӗрремӗш чӗрӗк вӗҫленсен "Пӗрремӗш класра вӗренекенсене халаллани" уяв йăлана кĕни пулса тӑрать. Икӗ уйӑх тăршшĕ шкул ачисем шкул пурнӑҫӗпе паллашнă. Ҫак хушӑра вӗсем нумай вӗреннӗ, нумайне пӗлнӗ. Акӑ шкул ҫемьин тулли праваллӑ членӗсем пулма вӑхӑт ҫитнĕ. Уява ачасем капӑр тумланнӑ, паллах, ырă кӑмӑл-туйӑмпа килнӗ. Анчах ачасен халал йӗрки урлӑ каҫиччен ертсе пыракансем хатӗрленӗ кӑткӑс заданисене пурнӑҫламалла пулнӑ.

Пӗрремӗш класра вӗренекенсен юмах тупсӑмне ҫеҫ мар, хӑйсен тавҫӑрулӑхӗпе фантазине те кӑтартма, юрӑсем юрлама, сӑвӑсем вулама тивнӗ. Пӗрремӗш класра вӗренекенсем пур тӗрӗслевсене те "питĕ лайăх" палла вӗренсе тухнă. Уявра пухӑннӑ ҫынсем пурте шкула талантлӑ ачасем килнине ӗненнӗ. Уяв вӗҫленсен пӗрремӗш класра вӗренекенсем хастар вӗренекенсем пулма, лайăх вӗренме тупа тунă. Ҫак асран кайми кун пӗрремӗш класра вӗренекенсен чӗринче вăраха юлать. Ашшӗ-амӑшӗсем ачисене асӑнмалӑх кӗнекесем парнене хатӗрленӗ.

Арҫын ачасемпе хӗрачасем, Пӗлӳ тӗнчине ырӑ ҫул пултăр!

#Бижбуляк2школа

Сăнÿкерчĕкĕсем: Пишпÿлекри 2-мĕш вăтам шкулăн социаллă сетьри страницинчен.

https://vk.com/bssh2