Ача садӗнче кӗркуннене халалланă уяв ирттернĕ

Ача садӗнчи уявсем - яланах асамлӑх, кӗркунне вара ҫулталӑкри чи асамлӑ вӑхӑт шутланать. Ҫутӑ сӑрӑсем, ҫулҫӑсен парачӗ, ҫумӑр ачашлӑхӗ, çак тӗлӗнмелле вӑхӑтра Пишпÿлекри "Журавушка" ача сачĕн "Малышок" тата "Солнышко" ушкăнĕсенче кӗр уявне халалланӑ йӑпану иртнӗ. Урамра тӗтреллӗ те сивӗ, хӗвел ӑшши ҫитмест, пирӗн ача садĕнче ҫав кун ӑшӑ та ырӑ атмосфера тӑрать. Ачасем патне хӑнана Кӗркунне килнӗ, вӑл ачасене кучченеҫ илсе килнӗ. Педагогсем Петрушкӑпа Бобик пукане театрне йӗркеленӗ. Уявра ачасем Кӗркунне валли юрăсем юрланă, ташӑсем ташланă, "Пахчаҫимӗҫпе улма-ҫырла", "Хӗвелпе ҫумӑр" савӑнӑҫлӑ вӑйӑсем вылянă, кӗрхи юмахсен тупсăмĕсене ҫавӑн пекех тавҫӑрса илнĕ, ҫулҫӑсен ҫумӑрĕ айӗнче уҫӑлса ҫӳренĕ.
Ача садӗнчи праҫник вӑл кулӑпа савӑнӑҫ тинӗсӗ, кӗркуннене кичем вӑхӑт, теҫҫӗ пулин те, ачасем ура айӗнче ӳкнӗ ылтӑн ҫулҫӑсем чӑштӑртатнипе, зонтик айӗнче уҫӑлса ҫӳреме, резина атӑпа кӳлленчӗксем тӑрӑх ҫӳреме ҫав тери интереслӗ савӑнма пултараҫҫӗ. Акӑ мӗншӗн ачасен садӗнче "Кӗркунне уявӗ" чи юратнӑ уявĕнчен пӗри пулса тӑрать. Ачасем позитивлӑ эмоцисем нумай илнӗ.
Сăнÿкерчĕкĕсем: Пишпÿлекри "Журавушка" ача сачĕн социаллă сетьри страницинчен.
https://vk.com/club210640710