Шкулсенче пилотсăр аппарат: Пушкӑртра пуласлӑх технологийӗсене ӗҫе кӗртеҫҫӗ

Благовещенскра дронпа ĕçлеме вӗрентмелли класс уҫӑлнă.

Пушкӑрт Пуҫлӑхӗ Благовещенскра Александр Першин ячӗллӗ 4-мĕш шкула ҫитсе курнӑ. Кунта "Пилотсӑр авиаци системисем" нацпроекта пула шкул ачисене вӗҫев аппарачӗсене тытса пыма вĕрентекен ятарлă класс пур.

Ҫак шкул Пушкӑртри 20-мӗш тата ҫак проекта пурнӑҫланӑ ҫӗршыври 200-мӗш шкултан пӗри пулса тӑнă. Вӗренекенсем дронпа ĕçлеме, вӗсен вӗҫевӗсене программӑлама хӑнӑхаҫҫӗ. Ҫакӑн валли ятарлӑ инфратытӑм йӗркеленӗ: оборудованисем, техника туяннӑ, ҫавӑн пекех вӗҫмелли зонӑсем йӗркеленӗ.

Пилотсăр вĕçев аппаратсем пурнӑҫра пысӑк вырӑн йышӑнаҫҫӗ ӗнтӗ, Пушкӑртстан Пуҫлӑхӗ палӑртнӑ тӑрӑх, вӗсен СВОри ĕçĕ вӗҫленнӗ хыҫҫӑн гражданла сферӑсенче хастар усӑ курӗҫ.

Радий Хабиров 4-мӗш шкул халӗ те лайӑхланса пыни ҫинчен каласа панă. Столовӑйне ҫӗнетнӗ ӗнтӗ, "Взлетай!" проект шайӗнче стоматологи кабинетне йӗркеленӗ. Планра ытти пӳлӗмсене юсасси. Ҫакӑн валли халӗ проект смети экспертиза иртет.

https://mgazeta.com/news/novosti/2024-11-30/bespilotniki-v-shkolah-kak-bashkiriya-vnedryaet-tehnologii-buduschego-4031505