Пишпÿлекри 2-мĕш вăтам шкулта çуллахи лагерь уçăлнă

 

Пишпÿлекри 2-мĕш вăтам шкулта кăнтăрлахи лагерь уҫнӑ. Ҫуллахи каникулӑн ҫӗнӗ илӗртӳллӗ тапхӑрӗ пуҫланнине пӗлтерекен тахҫантанпах кӗтнӗ ҫутӑ пулăм.

Лагерь июлӗн 24-мӗшӗччен ӗҫлет.

Кӑҫал «Раҫҫей ăмӑрткайӑкӗсем. Ҫичӗ ту тӑрри» çул-йĕре суйласа илнĕ.

Шкул территорийӗнче иртенпех савӑнӑҫ, кулу тата интереслӗ мыскарасем пуласса систерекен атмосфера пуҫланнă. Ҫӗршер ача кулли, янӑравлӑ сасăсем, пӗр харӑссӑн калаҫни чӑн-чӑн ҫулла пуҫланнине  кӑтартса панă.

Кун программи тулăх та интереслӗ пулнă. Ирхи зарядка ачасене вӑранма, хавхаланма, кӑмӑл-туйӑма лайӑхлатма пулӑшнă. Тутлӑ та усӑллӑ апат кунӗпех вӑй-халлă  пулма май панă.

Отрядсем хӑйсен кабинечӗсене йӗркеленӗ, юрӑсемпе ташӑсем вĕреннĕ, спорт вӑййисем вылянӑ.

4-мĕш тата 5-мĕш отрядсем Ситекпуç ялӗнчи форель фермине ҫитсе курнӑ, Р.В. Тиманкин пĕви патне кӗнӗ, унта администраци пуҫлӑхӗпе Артур Мухлисовичпа тӗл пулнӑ. Вӑл ачасене лайӑх та усӑллӑ канма суннă.

#Бижбуляк2школа

 

Сăнÿкерчĕкĕсем: Пишпÿлекри 2-мĕш вăтам шкулăн социаллă сетьри страницинчен.