Путин шкул ачисене биологипе иртнӗ олимпиадӑра ҫӗнтернӗ ятпа саламланӑ

#владимирпутин

Путин: шкул ачисем биологи олимпиадинче РФ вӗренӳ потенциалне кӑтартнӑ

Раҫҫей Президенчӗ Владимир Путин Филиппинра биологипе иртнӗ Пӗтӗм тӗнчери 36-мӗш олимпиадӑра малти вырӑнсем йышӑннӑ Раҫҫей шкул ачисен пӗрлештернӗ командине саламланă. Телеграмма текстне Кремль сайтӗнче пичетленӗ.

Патшалӑх Пуҫлӑхӗ палӑртнӑ тӑрӑх, олимпиадӑна хутшӑнакансем тӗнчери 77 ҫӗршывран вӑйлӑ тупӑшакансемпе кӗрешсе тивӗҫлӗ кӑтартусем тунӑ. Путин шкул ачисем Раҫҫей вӗрентӗвӗн пысӑк вӑй-хӑватне ҫирӗплетнине палӑртнă, вӗсен вӗрентекенӗсене тав сӑмахӗсем каланă.

Раҫҫейри аслӑ классенче вӗренекенсем Филиппинри Пӗтӗм тӗнчери 36-мӗш биологи олимпиадинче икӗ ылтӑн, пӗр кӗмӗл тата пӗр бронза медаль ҫӗнсе илнӗ.

https://iz.ru/1928003/2025-07-28/putin-pozdravil-shkolnikov-s-pobedoi-na-36-i-mezhdunarodnoi-olimpiade-po-biologii