Путин шкулсенче ачасене хӑй тӗллӗн шухӑшлама вӗрентме чӗнсе каланă

#владимирпутин
Шкулсенчи ачасене е аслӑ вӗренӳ заведенийӗсенчи студентсене кирлӗ кнопка ҫине пусса кӑна мар, хӑйсем тӗллӗн шухӑшлама вӗрентни паха. Кун пирки чӳк уйӑхӗн 19-мӗшӗнче Раҫҫей Президенчӗ Владимир Путин «Искусствӑлла интеллект тӗнчине çул ҫӳрев» (AI Journey) конференци шайӗнчи пленум ларăвĕнче пӗлтернӗ.
Вӑл хальхи обществӑра ҫынсене «суперинтеллектуалсем» тата «кнопкӑсем ҫеҫ пусакансем» ҫине уйӑрма юрамасть тесе хушса хунă.

«Пирӗн ҫӗршывра ҫакӑн пек суперинтеллектуалсен ушкӑнӗ — аталаннӑ, элитлӑ ҫынсем, ҫав тери интеллектуаллӑ элита, ыттисем вара пурте кнопкӑсене ҫеҫ пусакан роботсем — йӗркеленме ирӗк параймастпӑр», — тенӗ патшалӑх пуҫлӑхӗ.

Сăнÿкерчĕкĕ: Пишпÿлекри 1-мĕш вăтам шкулăн социаллă сетьри страницинчен.
https://iz.ru/1993328/2025-11-19/putin-prizval-uchit-detei-v-shkolakh-samostoiatelno-myslit