Хушăлкари вăтам шкул выпускникӗсем пысӑк пурнӑҫа пӗр утӑм тунӑ

Июнӗн 27-мӗшӗ — Хушăлкари вăтам шкул выпускникӗсем пысӑк пурнӑҫа пӗр утӑм тунӑ кун. Куҫҫульпе, кулӑпа, шанчӑкпа.

Тав сӑмахӗсем кӑмӑлсемпе ҫыхланчӗҫ. Учительсем, ашшӗ-амӑшӗ, класс ертӳҫи А.А. Степанов тата пӗрремӗш учитель В.М. Иванова чи кирлине каланӑ, ачасем вара юратса, тав туса хуравланӑ.

Каҫăн тĕп саманчĕ — аттестатсем! Ачасем пурте вӑтам пӗлӳ илни ҫинчен документсем илнӗ, Дмитрий Алексеевпа Александр Семенов вара «Вӗренӳре уйрӑм ҫитӗнӳсем тунӑшӑн» кӗмӗл медальсене тивӗҫнӗ. Браво!

Анчах ку пӗтӗмпе мар-ха! Пирӗн выпускниксем аттестат кӑна илмен. Ҫак кун вӗсене трактор тытса пымалли В тата С категориллӗ водитель удостоверенийӗсем, ҫавӑн пекех ГТО ылтӑн значокӗсем панă. Халӗ вӗсем ӑслӑ ҫынсем кӑна мар, руль умӗнчи тата спорт площадкисенчи чӑн-чӑн профи те!

Ашшĕ-амӑшӗсем, вӗсене — уйрӑм пуҫ тайни. Эсир ҫак ҫулсенче пулӑшрӑр кӑна мар, ҫак уява та турӑр: кашни детале шухӑшласа хатĕрлерĕр, зала илемлетрӗр, кучченеҫсем йӗркелерӗр. Сирӗнсӗр ун пек асамлӑх пулмӗччӗ. Тавтапуҫ сирӗн чунӑршӑн тата ыйхӑсӑр каҫсемшӗн!

Ашшӗ-амӑшӗсемпе пӗрле пурте «Школа не прощается с тобой» юрра юрласа ярсан вара ӗненнĕ: чӑнах та, шкул яланах пирӗнпе пулать. Ҫак самант — яланлӑхах!

Хаклӑ выпускниксем, хӑвӑра ӗненӗр. Вӗренме кӗни тикӗс ирттӗр, ӗмӗтсем пурнӑҫланччӑр. Сирĕн пурте лайăх пуласса пӗлетпӗр!

Сăнÿкерчĕкĕсем: Хушăлкари вăтам шкулăн социаллă сетьри страницинчен.

https://vk.com/club202011028