Радий Хабиров Пушкӑртстан вӗрентекенӗсене саламланӑ

Регион пуҫлӑхӗ преподавательсене ӑшшӑн каланă.
– Учитель кунӗ — пирӗн педагогсене пурне те тав тума тепӗр лайӑх сӑлтав. Пархатарлӑ ӗҫшӗн, ӑслӑлӑхшӑн, чӑтӑмлӑхшӑн. Вӗсем пире панӑ, паян та пирӗн ачасене паракан пӗлтерӗшлӗ пӗлӳпе ӑсталӑхшăн. Юратушӑн, ӑшăшӑн, тӑрӑшулăхшӑн. Эпир ӳснӗ, халӗ ӗнтӗ пирӗн тӗллев – хамӑр учительсемшӗн тӑрӑшасси. Эпир ҫапла тӑватпӑр, — палӑртнă Радий Хабиров хӑйӗн саламӗнче.
— Ҫамрӑк преподавательсене, ҫавӑн пекех вӗренекенӗсем ЕГЭ тата олимпиадӑсенче ҫитӗнӳсем тӑвакансене пулӑшатпӑр. Лайӑх ӗҫ условийӗсем туса пама тӑрӑшатпӑр — темле йывӑр пулсан та шкулсем тума, юсама пӑрахмастпӑр, кунта пире "Ҫамрӑксемпе ачасем" нацпроект питӗ лайӑх пулӑшать. Учитель профессийӗн ят-сумне ӳстеретпӗр — Раҫҫейре педагогӑн уйрӑм статусне пирӗн президент Владимир Владимирович Путин хӑйӗн указӗпе ҫирӗплетрӗ. Эпир Пушкӑртстанра хамӑрӑн хушма мерӑсем хатӗрлерӗмӗр.
Хаклӑ вӗрентекенӗмӗрсем, эсир – пирӗн республикӑпа ҫӗршыв тӗрекӗ. Эсир ачасене ахаль кăна вӗрентместӗр. Эсир ачасене тӗрӗс установкӑсемпе ориентирсем паратӑр, вӗсем ӗмӗр тӑршшӗпе илсе иртекен хаклӑхсене хӑнӑхтаратӑр. Чӑн-чӑн патриотсене воспитани паратӑр. Ҫакӑншӑн сире пуҫ таятпӑр!

Сӑнӳкерчӗкĕ: Радий Хабировăн социаллă сечӗсем.
https://mgazeta.com/news/novosti/2026-10-05/radiy-habirov-pozdravil-uchiteley-bashkirii-4835633