Ҫӗнӗ ҫул чӑрӑшӗ капӑр,
Тӑвансем сӑпайлӑ сапӑр.
Сӗтелӗ кучченеҫпе,
Тутлă апат-ҫимӗҫпе.
Шаплатать шанпань эрех,
Харӑс ҫӗклетпӗр пӗрех
Черккине ҫӳле йӑтса,
Ӑнӑҫушӑн савӑнса.
Хӗн-хур юлтӑр кив ҫула,
Саванӑҫ килтӗр юрласа.
Кӗтсе илер ҫӗн ҫула,
Вӑкӑр килтӗр ташласа.
Фейеверк салютсем ярса,
Чӗтрететпӗр таврана.
Хуткупӑсне каласа,
Ян-ян! кайтӑр аякка.
Хавас кӑмӑл-туйӑмпа,
Ырӑ ӗмӗт-шухӑшпа.
Кӗтсе илер ҫӗн ҫула,
Савӑн, кул, юрла, ташла.
Илсе килесем телей ҫеҫ,
Ырлӑх сунса эс валеҫ.
Савӑк кӑмӑл парнеле,
Ырлӑх кӳр пирӗн киле.
Сӑвӑ авторӗ:Николай ЕЛЛИН,
Чӑваш Ен, Патӑрьел районӗ, Ҫӗнӗ Ахпӳрт ялӗ.