Асран кайми çулсем

Никама та манман, нимен те манăçман...

Аттесем, тетесем пуçне хунă:

Чулран тунă салтак улăп пек,

Пуç усмасăр тăрать кунĕн-çĕрĕн,

Çемйине курăнать тĕлĕкре.

Хăйпе хăй калаçать ват аннемĕр,

Мăшăрне тĕлĕкре курнипе.

Вырăнтан хаваспа сиксе тăнă,

Васкаварлăн кĕтсе илесле...

– Вăрçăран килеймерĕç нумайăн,

Пăрахсам аттене эс кĕтме.

Ан ман эсĕ – пурнăç саккунĕ,

Вилсен май çук чĕрĕлме...

Хăйпе хăй пуплешет ват аннеçĕм:

– Çупăрлатăп ăшшăн аçуна...

Вилнĕ пулсан та – чĕрĕ Паттăр,

Пăрахас çук кĕтме эп ăна!

Çулран çул пирĕн ватă аннемĕр

Хуйхăпа хавшатрĕ сывлăхне.

Ăсатрăмăр ăна куççуль витĕр,

Атте патне – ĕмĕрлĕхе.

Нина ВАСИЛЬЕВА.

Ульяновск облаçĕ.

Читайте нас: