Юр ҫӑвать! Юр ҫӑвать!

Мария Семенова. Сăвă.
Ситек ялĕ.

Юр ҫӑвать! Юр ҫӑвать!
Тинех кӗтнӗ юр ҫӑвать
Шурӑ, кӑпӑшка, таса
Пӗтӗм ҫӗре ыталать

Пирӗн пӗчӗк Алюша
Васкать чупать урама
Ашшӗн ҫӗнӗ парнине
Кӑтартмалла-ҫке туссене

Ҫунашкине лаша пек
Кӳлсе янӑ хӑй хыҫне
- Ларӑр, паян манӑн ҫунашка
Ҫитме хатӗр таҫта та.

-Анчах эпӗ ывӑнсан
Туртӑр эсир мана та
Выляр-и туссем ҫапла
Шурӑ юрпа савӑнса

Шӑнкӑрав пек янраса
Илем кӳрсе урама
Чупса кайрӗҫ ачасем
Ҫӗн ҫунапа ярӑнма.
https://vk.com/id540699880

Сăнÿкерчĕкĕсем: Мария Семенова.