Ҫӑварни! Ҫӑварни!

Мария Семёнова. Сăвă.

Ситек ялĕ.

Ҫӑварни! Ҫӑварни!
Ӗнтӗ тутлӑ икерчи!
Хӑналать пире анне
Лартса сӗтел хушшине.
Ҫийӑр, ҫийӑр, ачамсем!
Лӑпкать ҫурӑмран атте
Ҫилҫунат ҫунашкасем
Кӗтсе ывӑнчӗҫ сире.
Хӗвел пӑхать илӗртсе
Шӑнкрав янрать хистесе
Авӑ, мӑнрах ачасем
Кӳлсе ларнӑ лашасем.
Ҫакнӑ пӗкӗсем ҫине
Тӗрленӗ алшӑллисем
Хӗрлӗ, кӑвак лентисем
Явӑнаҫҫӗ вӗҫнӗҫем.
Хӗвел питлӗ хӗрӗсем
Ҫыхнӑ матур тутӑрсем.
Мухтаса ҫӑварнине
Шӑратаҫҫӗ юрӑсем.

https://vk.com/id540699880

Сăнÿкерчĕкĕсем: Пишпÿлекри 2-мĕш вăтам шкулăн социаллă сетьри страницинен.