0 °С
Пӗлӗтлӗ
Раштав асамлӑ юмах евӗр
Килсе кӗрет кашни киле.
Хаваслӑ кулӑ, юрӑ-кӗвӗ
Илсе килет хӑйпе пӗрле.
Хӗл - илеме пухса тем тӗрлӗ
Кӑпӑш юрпа витет ҫӗре.
Тавра ҫап-ҫутӑ кӗмӗл тӗслӗ
Йӑлтӑртатать савса пире.
Ватти-вӗтти пӳрте кӗмесӗр
Хӗл вӑййине вылять хӗрсе.
Юр кӗлетки куҫне илмесӗр
Ларать чеен ҫеҫ тинкерсе.
Лӑпкӑ кунра лӑсӑ вӑрманӗ
Хӑй ытамне илет чӗнсе.
Ҫӗнӗ ҫула кӗтет тӑванӗ
Асамлӑх парнелес тесе.
Марина Иванова, Шупашкар хули.
https://vk.com/idHYPERLINK