Çуркуннене çул парăр!

Пишпÿлекре хĕле ăсатса çуркуннене кĕтсе илмелли вырăн А.Ф. Ахметов ячĕллĕ культура, спортпа кану паркĕ пулса тăчĕ.

Пухăннисене район администраци пуçлăхĕн социаллă ыйтусем тата кадр тĕлĕшпе ĕçлекен çумĕ Артур Зарипов çуркунне çитнĕ ятпа саламларĕ, уявла кăмăл-туйăм сунчĕ.

Унтан тĕрлĕрен вăйă-кулă, конкурссем пуçланчĕç. Пишпÿлекри Культура керменĕн артисчĕсем халăха савăнтарчĕç, çынсем вĕри чейпе тата икерчĕпе сăйланчĕç.

Йăлана кĕнĕ тăрăх иртсе пыракан хĕлĕн символне — катемпие çунтарчĕç. Çапла, ĕнертен календарьпе çуркунне пуçланчĕ!

Владимир СМОЛОВ.

Сăнÿкерчĕкĕ: Владимир СМОЛОВ.

Читайте нас: